ليش الواحد إذا طبخ أكل لازم ياكله حتى لو مُب زين؟
مدري يعني مستحي من نفسي ولا وش الوضع بالضبط؟
*أنا٣ جايب صحن ويحطه على الطاولة*
أنا٣ مُتحمسا: يلبّى! حظكم طبخت لكم اليوم! لا تبدون خلني بروح أغسل!
*ينصرف أنا٣ ليُغسل*
أنا٢ مُتقروشا: يا ليل! على حظي أنا كل يوم واحد جايني يبي يطلّع لي مواهبه المدفونة -_-
أنا١ بلكنة دفاعية: ويا ليل إنت! منتب سپورتڤ لأي أحد وبدل ما الواحد يركز في موهبته يضيّع وقته يقنعك تعطيه فرصة!
أنا٢ مُزبدا: مسوي لي فيها سپورتڤ؟ ذق أكله وخل نشوف وش بتسوي يالسپورتڤ -_-
أنا١ مُتحاملا: شكله كويس ياخي, هاه شف
*يتذوق أنا١ الأكل*
*لحظة صمت*
*لحظة صمت آكووردي*
أنا١ مُصارحا: والله طبخه سيءءء!
أنا٢: قاااايل لك!
*يعود أنا٣*
أنا٣ عازما: يالله حيّاكم
أنا١ مُصرفا: والله أنا مالي نفس بيني وبينك, أبي أرقد خفيف
*أنا ٢ يرمق أنا١ بنظرات وصخة*
أنا٣ خائبا: أفاااا .. خلاص بنبقي لك تاكل بعدين ما عليك, يالله سم
*يأكل أنا٣ ويتغصب معه أنا٢*
أنا٣ مُتفاجئا: وشذا؟؟؟ طعمه سيء!!!
أنا٢ مُتنهدا: آآآآه الحمد لله هههههههه
أنا٣: وشرايكم بس نروح مطعم نتعشّى؟
أنا١ وأنا٢: قدّااام
*ينصرف أنا١, ٢, ٣*
*يدخل أنا٤ المشهد, يُلاحظ الطعام*
أنا٤ مُستبشرا: يمي! شكله لذيذ!
*يتلفت يمنة ويسرة ليتأكد أنه ليس لأحد*
*يهز كتفه مُعبرا عن لا مُبالاته*
*يتذوق أنا٤ الأكل*
أنا٤ مُستلذا: والله كويس!!
*يلتهم أنا٤ الطبق عن بكرة أبيه*
انت رهيب يا اخي!
ردحذفكنت دائماً أتساءل "ليش الأكل اللي اطبخه ما يعجبني مع أني أشوف أنه حلو؟"
يبدو أن الموضوع صار صراع مع الذات.
تحديداً، صراع بين أنا الزُبَدي اللي ماعنده في أحد و يعطي في الوجه، وأنا الزٌلابة البرغماتي اللي يجامل ويبي مصلحه