وش هالديرة السيئة اللي من زينها أصلا كلها غبار؟ توكلك تراب حرفيا! مدري وش جلّس أجدادنا هنا وحببهم في التراب
*قبل كم ألف سنة*
*عاصفة غبارية سيييئةةة*
*واحد متربّع في الصحراء وجنبه بعيره*
*يدخل المشهد شخص آخر ماشيا رُغم الغُبار والرياح*
الشخص الواقف: ياخي وش مجلسنا هنا عند التراب؟ قم خل نروح مكان فيه أوكسجين وهوا نظيف
الشخص الجالس: لااا ياخي مشوار ريّح أمنا✌
الشخص الواقف: ياخي داري إن كل اللي تتنفسه تراب؟ أحس لو بنقعد هنا بنصير زي الرجل الترابي ذاك اللي يهايط على سپايدر مان
الشخص الجالس والتراب يضرب وجهه بقوّة: بلا قروشة واللي يرحم والديك خل نتكي✌
الشخص الواقف: مشينا يقول لك في مكان اسمه تُركعية طبيعة ومزز وفلّة, خل ندز✌
البعير يقتحم المُحادثة: يابوي روّق أمنا، ما يبي يجي! غصب هو؟ مب هو اللي بيمشي مدري كم ألف كيلو كلها على راسي ترى ✋
الشخص الواقف معطيا اياهم ظهره: بكيفكم أنا بحرّك الحين استمتعوا بالتراب، سلام ✋
*ينصرف الشخص الواقف*
البعير للشخص الجالس: تتوقّع انه شك في وضعنا؟
الشخص الجالس: هههههه لا يبوي ما عندك أحد ✌
*ينظران إلى آلة الزمن المُلبّقة قرابة ٢٠ مترا عنهم والتي يصعب رؤيتها نظرا للغبار*
الشخص الجالس: اذا اكتشفوا البترول بنطلع كاااش✌
البعير: ايييه وأنا بطلع من مزايين الإبل يا لبّى ✌
*ساوندتراك درامي جامد*
نهايه جااامده
ردحذف