مدري وش يحسون فيه اللي يقولون أشياء مثل "تعرفت على نفسي"!
يعني انت وش كنت قاعد تسوي أول عشرين ثلاثين سنة من حياتك؟
أنا١: أهلا.
أنا٢: هلا والله.
أنا١: ممكن نتعرف؟
أنا٢: هاه؟
أنا١: أبي أتعرف عليك....
أنا٢: تستهبل علي إنت؟ صار لي مقابلك حطبة وعشرين سنة وتوّك تبي تتعرف علي؟ -_-
أنا١: لا بس كنت مشغول وبعدين أنا سلف-انڤولڤد لدرجة....
أنا٣: يقتحم المحادثة: وشفيكم وش صاير؟
أنا٢: يقول يبي يتعرف علي ههههههههه
أنا٣: هههههههه سلمات يغلي
أنا١: ياخي قاعد أمارس تأمل الذات الله يفشلكم -_- دايما أنا أقول مستواي أرقى منكم بس المشكلة إني محدود عليكم
أنا٢: أقول رح انقلع شبّك نفسك في مكان ثاني بس ههههههه
*صوت خطوات أنا١ منصرفا وهو يلقط بقايا وجهه على خلفية ضحك أنا٢ وأنا٣*
أنا٤ من خلف أنا١: هييييه, هيييه.
أنا١ متوقفا عن المشي: هاه, نعم
أنا٤: سمعتك تقول تبي تتعرف, أنا أنا٤ :)
*يبتسم أنا١ وتبرق عيناه لإيجاده نفسه وفرصة تعرفه عليها*
ليست هناك تعليقات:
إرسال تعليق